Well. höt hend mer scho der 27. Juni 2009, mi letzt Blogitrag isch vor Monate gsi. Jo, schäme duemi nöd, naj - aber han gad guet ohni Blog chönne läbe :) Da aber min schatz en blogitrag wett duenim doch eine sogar gad widme^^
Nun ja, esch scho vell passiert ir Zwüschezit: Einigi Diskussione miter annen, prüefige, gschaffet, chli neui music, verschidnigs wätter, wi gseit min Schatz, Schkiferie und no ganz vell anders.
Nur wo dassi söll afah: ke ahnig. wohl eher dört, wo i gad finde dasses guat wär :) woni geschter morge am 06.30 min Radiowecker ghört han, hani no denkt dassi ni richtig ghöre - ersch am 07:00 hani realisiert, dass Michael Jackson nömm under üs isch - angäblich amene Herzinfarkt gstorbe; en Fründ und Awalt vonem wird aber uf medikamenteüberdosis chlage - angäblich.
Nun, dass gwüssi firmene s vell gäld hend, isch wohl bekannt. Aber dassmes so sinnlos chan usgä, isch schockierend. Lescht wucha büni doch würk für zwei Infos nach Bern gange, zwüsche de einzelne Infos hani vier Stund gha woni mi selber han müesse beschäftige; zom glöck büni chli flexibel, aber s git au besseri möglechkeite mini zit s verschwände.
und morn isches scho s 19. Johr woni darf uf dere Welt verbringe... 19 Jahr lang hani iz de en Familie, Fründe und allgemein mis Umfeld dörfe präge - mir hend scho mängi höchs und tüfs erläbt, und mängisch heimer lang gsuecht bisme s liecht am endi vum tunnel het gseh - aber i glaub mir dörfid säge, dassechs glohnt het.
Eifach mal au ufeme ungwohnte wäg mal es merci für alles.
So, da es iz verdammt nomau 22:43 isch machi Firabig, immerhin muasi morn jo fit si :) greetings.
